Cwmni Buddiant Cymunedol Cyntaf Cymru
Ynglŷn â Cymru Gynnes
Mynd i’r afael â thlodi tanwydd yng Nghymru a De-orllewin Lloegr.
Mae Cymru Gynnes yn gweithio i liniaru tlodi tanwydd yng Nghymru a’r De-orllewin drwy brosiectau cymunedol a gweithio mewn partneriaeth.
Gallwch gael rhagor o wybodaeth am Cymru Gynnes a’n prosiectau presennol drwy lawrlwytho ein llyfryn corfforaethol sydd ar gael yn Gymraeg ac yn Saesneg
Sefydlwyd yn 2004 gan y Grid Cenedlaethol
Sefydlwyd Cymru Gynnes yn 2004 gan y Grid Cenedlaethol fel rhan o nod penodol y cwmni hwnnw i gyflawni ei gyfrifoldeb corfforaethol i’r Llywodraeth a sicrhau manteision i 1 miliwn o gartrefi sy’n dioddef tlodi tanwydd. Dewisodd wneud hyn o dan faner y Rhaglen ‘Cynhesrwydd Fforddiadwy’ gyda Cymru Gynnes yn cyfrannu tuag at y targed.
Cwmni Buddiant Cymunedol Cyntaf Cymru
Yn 2006 newidiodd Cymru Gynnes statws y cwmni i fod yn Gwmni Buddiant Cymunedol (CIC) cyntaf Cymru. Mae bod yn CIC yn golygu nad oes gennym gyfranddalwyr, yn hytrach mae unrhyw elw a wneir yn cael ei roi yn ôl i’r cymunedau yr ydym yn eu gwasanaethu. Mae ein statws hefyd yn golygu ein bod yn defnyddio dull cymunedol ar gyfer cynaliadwyedd economaidd, cymdeithasol ac amgylcheddol. Rydym yn buddsoddi yn y cymunedau yr ydym yn gweithio ynddyn nhw ac yn gadael etifeddiaeth o gyflawniadau cadarnhaol. Mae casgliad bach o’n prosiectau blaenorol wedi’i gynnwys ar y wefan hon.
Cael y newyddion diweddaraf!
Os hoffech glywed mwy am yr hyn y mae Cymru Gynnes yn ei wneud i helpu i fynd i’r afael â thlodi tanwydd yng Nghymru a De-orllewin Lloegr ewch i’n blog lle rydym yn rhannu cyngor ar ynni a newyddion Cymru Gynnes
Ein Tîm
Rheolir Cymru Gynnes gan Fwrdd o Gyfarwyddwyr ac mae’n cael ei redeg gan dîm o Uwch Arweinwyr, Rheolwyr Prosiect a Gweithwyr Cymunedol.
Yr Uwch Dîm Arwain
Jonathan Cosson
PRIF SWYDDOG GWEITHREDOL
Dechreuodd Jonathan gyda Cymru Gynnes ym mis Medi 2015 ac mae ganddo 15 mlynedd o brofiad o weithio ym maes rheoli ynni a charbon yn y sector preifat a’r trydydd sector.
Claire Powell
RHEOLWR CYLLID
Ymunodd Claire â’r sefydliad ym mis Mai 2016 fel Rheolwr Cyllid, gan baratoi cyfrifon rheoli, rhagolygon a chostau prosiectau ar gyfer y Tîm Gweithredol a’r Bwrdd. Ei rôl hi yw sicrhau bod gan y Bwrdd a’r tîm rheoli wybodaeth ariannol gadarn i seilio penderfyniadau busnes arni a sicrhau hyfywedd ariannol i’r busnes wrth symud ymlaen
Katie Cooke
RHEOLWR PROSIECT
Mae Katie yn rheoli’r prosiect Cartrefi Iach, Pobl Iach, gan gefnogi’r tîm i helpu pobl ledled Cymru a’r De Orllewin i gael cartrefi cynhesach, mwy diogel ac iachach.
Joanna Seymour
PENNAETH PARTNERIAETHAU A DATBLYGU
Mae rôl Joanna yn cyfuno rheoli prosiectau, cyflawni gweithredol, rheoli staff, nodi a meithrin partneriaethau newydd ac arwain ar ddatblygu cyfleoedd prosiect newydd. Ymunodd Joanna â Cymru Gynnes fel Rheolwr Prosiect ym mis Tachwedd 2017 ac mae’n Ymarferydd Iechyd yr Amgylchedd cymwysedig gydag MSC mewn Iechyd yr Amgylchedd o Brifysgol Birmingham a dros 16 mlynedd o brofiad o weithio ym maes tai ac iechyd y cyhoedd. Mae hi hefyd yn Ymarferydd Iechyd Cyhoeddus Cofrestredig yn y DU ac yn 2018 fe’i dyfarnwyd yn Arwr Gwres gan yr elusen tlodi tanwydd National Energy Action ac yn 2019 hi oedd yr enillydd Rhanbarthol yn y Gwobrau Effeithlonrwydd Ynni ar gyfer yr Hyrwyddwr Effeithlonrwydd Ynni am y gwaith y mae hi wedi bod yn ei wneud.
Y Tîm Gweithrediadau
Alicia Thomas
SWYDDOG MARCHNATA DIGIDOL
Mae Alicia yn darparu cymorth marchnata a chyfathrebu ymarferol ac addysgol i Cymru Gynnes a’i brosiectau.
Leigh Forman
SWYDDOG PROSIECT
Mae Leigh yn gweithio’n uniongyrchol gyda chwsmeriaid i sefydlu eu cymhwysedd ar gyfer grantiau cysylltiad nwy ac yn cynorthwyo’r broses Cyllid ECO (Rhwymedigaeth Cwmni Ynni).
Wayne Powney
SWYDDOG PROSIECT
Wayne sy’n gyfrifol am weinyddu ein cynlluniau grant nwy a gwres ac mae ganddo enw da am ddarparu gwasanaeth cyflym ac effeithlon i gwsmeriaid.
Patreia Mayers
SWYDDOG PROSIECT
Mae Patreia yn gweithio ar weinyddu cynllun grant nwy a gwres Cymru Gynnes ar ran ein cleientiaid yn y sector preifat, a hefyd yn darparu gwasanaeth cwsmeriaid ac adnoddau gweinyddiaeth swyddfa.
Y Tîm Cyflawni
Katrina Bradley
GWEITHIWR CYMUNEDOL ARWEINIOL
Katrina yw’r Gweithiwr Cymunedol Arweiniol ar y prosiect Cartrefi Iach, Pobl Iach sy’n ceisio cefnogi pobl ledled Cymru sydd â thlodi tanwydd, a chael arian ychwanegol iddyn nhw pan fo hynny’n bosibl. Mae Katrina wedi bod gyda Cymru Gynnes ers 2017.
Kathy Harris
GWEITHIWR CYMUNEDOL
Ymunodd Kathy â Cymru Gynnes yn 2019 ac mae’n helpu i gyflawni’r Prosiect Cartrefi Iach, Pobl Iach ledled Cymru, gan ddarparu cyngor a chymorth diduedd wedi’u teilwra i ddeiliaid tai o bob rhan o Gymru.
Ceinwen Owen
GWEITHIWR CYMUNEDOL
Ymunodd Ceinwen â Cymru Gynnes yn 2021 ac mae’n helpu i gyflawni’r Prosiect Cartrefi Iach, Pobl Iach ledled Cymru, gan ddarparu cyngor a chymorth diduedd wedi’u teilwra i ddeiliaid tai o bob rhan o Gymru.
Aled Jenkins
CYDLYNYDD PROSIECT (HHPLC))
Aled yw Cydlynydd Prosiect y tîm Cartrefi, Pobl, Bywydau a Chymunedau Iach yng Ngogledd Cymru, gyda’r nod o gefnogi pobl i fyw mewn cartrefi iach hapusach sydd hefyd yn hyrwyddo lles cadarnhaol.
Anthony Houghton
GWEITHIWR CYMUNEDOL LLES (HHPLC)
Anthony yw Gweithiwr Cymunedol Lles ar gyfer y tîm Cartrefi, Pobl, Bywydau a Chymunedau Iach yng Ngogledd Cymru, gyda’r nod o gefnogi pobl i fyw mewn cartrefi iach hapusach sydd hefyd yn hyrwyddo lles cadarnhaol.
Kate Wilkinson
GWEITHIWR CYMUNEDOL POBL IFANC (HHPLC)
Rôl Kate fel Gweithiwr Cymorth Cymunedol i Bobl Ifanc yw eirioli ar eu rhan gyda darparwyr ynni a’u galluogi a’u grymuso i gael yr adnoddau sydd eu hangen i gael cartrefi diogel a chynnes.
Karen Hughes
CYMORTH PROSIECT
Rôl Karen yn Cymru Gynnes yw Cymorth Prosiect i Dîm Gogledd Cymru, gan roi cymorth i’n Gweithwyr Cymunedol pan fo angen ac ymdrin â’n prosesau atgyfeirio. Mae gan Karen Ddyfarniad Lefel 3 mewn Egwyddorion Diogelu ac Amddiffyn Plant, Pobl Ifanc, neu Oedolion Sy’n Agored i Niwed a chymhwyster mewn Hanfodion Rhagnodi Cymdeithasol.
Jacqui Dean
GWEITHIWR CYMUNEDOL
Mae Jacqui yn helpu i ddarparu cyngor diduedd wedi’i deilwra ar iechyd a lles ledled Gogledd Cymru.
Emma Davies
GWEITHIWR CYMUNEDOL
Mae Emma yn helpu i ddarparu cyngor diduedd wedi’i deilwra ar iechyd a lles ledled Gogledd Cymru.
Jodie Roberts
GWEITHIWR CYMUNEDOL
Ymunodd Jodie â Cymru Gynnes yn 2020 fel Gweithiwr Cymunedol yn Nhîm Gogledd Cymru. Mae Jodie wedi cwblhau cymhwyster City and Guilds Lefel 2 (Cyngor ar Ddyled Tanwydd yn y Gymuned) a gradd mewn Iechyd Meddwl a lles ym Mhrifysgol Glyndŵr.
Holly Parry
GWEITHIWR CYMUNEDOL
Ar hyn o bryd mae Holly yn cynorthwyo aelodau’r tîm ar Gynllun Treialu Cyngor Ar Ynni Llywodraeth Cymru ac yn gweithio tuag at ennill gradd mewn iechyd meddwl a lles ym Mhrifysgol Glyndŵr.
Bwrdd y Cyfarwyddwyr
Mae Bwrdd Cyfarwyddwyr Cymru Gynnes yn dod ag ystod eang o sgiliau a phrofiad i’r sefydliad, gan gynnwys ynni, dylunio adeiladau, academia, AD, rheoli newid, cyllid a masnach, y diwydiannau nwy a thrydan, yr amgylchedd, cynaliadwyedd, marchnata a chyfathrebu, seilwaith, cyfrifyddiaeth, sefydliadau dielw.
Yr Athro Phil Jones OBE
CADEIRYDD
Phil yw Cadeirydd presennol Pwyllgor Ymgynghorol Rheoliadau Adeiladu Llywodraeth Cymru, Cadeirydd Bwrdd y Cyfarwyddwyr yn Cymru Gynnes, partner yn y cwmni newydd Zenergy Design Ltd, sy’n dylunio adeiladau sy’n gadarnhaol o ran ynni ac yn bartner yn y cwmni dylunio amgylcheddol o’r Swistir Jones Kopitsis AG.
Dyfarnwyd OBE i’r Athro Phil Jones yn 2020 am wasanaethau i bensaernïaeth a datgarboneiddio.
Kevin Rendell
Kevin yw Cyfarwyddwr Gweithrediadau BritNed Development Ltd. ac mae ganddo dros 20 mlynedd o brofiad o weithio yn y diwydiant nwy a thrydan a reoleiddir. Ymunodd â Bwrdd Cymru Gynnes ym mis Mehefin 2012. Yn ogystal â dylanwadu ar strategaeth a dull y Grid Cenedlaethol o ddatblygu cynlluniau o’r fath a’u llunio, chwaraeodd ran allweddol hefyd wrth ryngweithio â rheoleiddwyr, uwch weinidogion y llywodraeth, adrannau gwleidyddol (DECC, Trysorlys y DU, Llywodraeth Cymru ac ati) grwpiau rhanddeiliaid a phrotestwyr, yn ogystal â’r cyfryngau er mwyn llunio a dylanwadu ar bolisi a deddfwriaeth y llywodraeth a rheoli a llywio barn y cyhoedd.
Steve Edwards BSc Hons, ACMA, FIGEM
Steve yw Cyfarwyddwr Masnachol Awdurdod Porthladd Aberdaugleddau. Mae Steve yn canolbwyntio ar archwilio cyfleoedd i dyfu’r busnes a gweithio’n agos gyda’n cwsmeriaid a’n rhanddeiliaid presennol. Mae ganddo brofiad helaeth o sicrhau manteision i gwsmeriaid a rhanddeiliaid a gall helpu i sicrhau bod datblygiadau’n gweithio o fewn gwerthoedd craidd y Grŵp.
Mari Arthur
Ar hyn o bryd mae Mari yn Bartner yn Afallen Cymru LLP ac yn ymgynghorydd marchnata a chyfathrebu llawrydd sy’n arbenigo mewn cynaliadwyedd. Tan ddechrau 2020 Mari oedd Cyfarwyddwr Cynnal Cymru ac mae wedi rheoli prosiectau traws-sector, gyda phwyslais diweddar ar y sector cyfleustodau, cwsmeriaid sy’n agored i niwed, ymgysylltu â’r gymuned, cynaliadwyedd a’r amgylchedd.
Sarah Williams
CYFARWYDDWR RHEOLEIDDIO, STRATEGAETH ASEDAU A’R HSE
Dechreuodd gyrfa Sarah yn y diwydiant ynni ar ddiwedd y 90au cyn ymuno â Wales & West Utilities yn 2005. Mae ganddi dros 20 mlynedd o brofiad mewn amrywiaeth o swyddi strategol, gweithredol a rheoli. Yn fwyaf diweddar bu’n arwain y gwaith o ddatblygu Cynllun Busnes y cwmni ar gyfer 2021-2026, sy’n buddsoddi £400 miliwn i ddarparu rhwydwaith nwy sy’n barod ar gyfer Sero Net erbyn 2035 wrth ofalu hefyd am y bobl fwyaf agored i niwed mewn cymunedau ledled Cymru a de-orllewin Lloegr. A hithau’n Gyfarwyddwr Rheoleiddio, Strategaeth Asedau a’r HSE, mae’n gweithio’n agos gyda’n rheoleiddiwr, Ofgem, wrth arwain ein gwaith diogelwch, rheoli asedau a buddsoddi hefyd a dyfodol y tîm ynni.
Llyfrynnau Corfforaethol
Dysgwch fwy am Cymru Gynnes drwy lawrlwytho ein llyfrynnau corfforaethol
