Cyllid ECO

Mae Cymru Gynnes yn falch iawn o gael ei benodi gan Gyngor Sir Powys a Chyngor Castell-nedd Port Talbot i reoli’r gwaith o ail-lansio’r cynllun grant o’r enw ECO Flex, sy’n galluogi gwelliannau ynni cartref i gael eu cyflwyno i drigolion Powys a Chastell-nedd Port Talbot sydd mewn tlodi tanwydd.

Mae Rhwymedigaeth Cwmni Ynni (ECO) yn gynllun effeithlonrwydd ynni’r llywodraeth i helpu i leihau allyriadau carbon a mynd i’r afael â thlodi tanwydd, gan greu cartrefi cyfforddus sy’n rhatach i’w gwresogi. Mae’r mesurau sydd ar gael drwy’r cynllun yn cynnwys Inswleiddio Waliau Ceudod, Gwresogyddion Storio Trydan, Inswleiddio Llawr, Inswleiddio Waliau Mewnol, Inswleiddio Atig, Gwres Canolog LPG, ac Inswleiddio Ystafell mewn To.

Pwy gaiff hawlio Cyllid ECO?

Nod Cyllid Eco yw helpu’r rhai sy’n byw mewn tlodi tanwydd ac sy’n agored i’r risg o fyw mewn cartref oer, ac y mae eu tŷ yn aneffeithlon o ran ynni ym Mhowys a Chastell-nedd Port Talbot. Ewch i dudalen meini prawf ECO3 i weld a ydych yn gymwys i gael cyllid.

Sut i wneud cais:

Os ydych chi’n credu y gallech chi fod yn gymwys i gael Cyllid ECO, gallwch wneud cais drwy un o’r contractwyr cymeradwy a restrir isod, yn seiliedig ar ba fesur yr hoffech gael ei osod.

Cysylltwch â’ch cwmni dewisol gyda’ch manylion, bydd yn gofyn ychydig o gwestiynau i chi ac yn cynnal arolwg i benderfynu a yw eich cartref yn addas ar gyfer gwelliannau effeithlonrwydd ynni.

Noder: Ni fydd Cymru Gynnes yn derbyn unrhyw geisiadau sy’n gysylltiedig â Chyllid ECO. Os hoffech wneud cais am gyllid neu os oes gennych unrhyw ymholiadau, dylech eu cyfeirio at un o’r contractwyr a restrir isod.