Biliau Dŵr: arbed arian a’r gefnogaeth sydd ar gael

Gydar cynnydd aruthrol ym mhris biliau ynni ar draws y DU, efallai ei bod yn bryd ystyried eich biliau dŵr, a pha newidiadau y gallwch eu gwneud i dorri cannoedd o bunnoedd oddiar eich biliau dŵr. Mae llawer o newidiadau bach a mawr y gallwch eu gwneud yn eich cartref a fydd efallai’n arbed arian ichi oddiar eich biliau dŵr.

Yr awgrymiadau gorau i arbed dŵr:

Yn wahanol i filiau nwy a thrydan, mae’n rhaid derbyn eich cyflenwad dŵr o’r cwmni rhanbarthol – ni allwch newid eich cyflenwr. Serch hynny, mae llawer o ffyrdd i leihau eich biliau. Os yr ydych yn cael trafferth fforddio’ch bil dŵr, peidiwch ei anwybyddu; mae nifer o bethau y gall ein Gweithwyr Cymunedol, a hyfforddwyd gan y bwrdd dŵr, eu gwneud i’ch helpu chi.

Os yr ydych yn defnyddio mesurydd dŵr, neu am arbed dŵr am resymau amgylcheddol, mae llawer o ffyrdd o dorri eich defnydd dŵr yn y tŷ; yr ydym wedi llunio rhestr o awgrymiadau defnyddiol:

Trowch y tap i ffwrdd

Mae tap yn rhedeg yn gwastraffu mwy na pum litr o ddŵr mewn munud, felly trowch y tap i ffwrdd tra’n glanhau eich dannedd, yn siafio neu’n golchi’ch wyneb. Defnyddiwch ddŵr oer pan nad oes angen dŵr twym.

Cwpaned Cwta

Ar gyfartaledd, mae aelwyd yn y DU yn berwi’r tegell 1,500 gwaith y flwyddyn – berwch dim ond faint o ddŵr sydd ei angen.

Dŵr oer

Mae llawer o fanteision o olchi’ch dillad mewn dŵr oer, gan gynnwys arbed arian oherwydd ni fyddwch yn defnyddio’r trydan i dwymo’r dŵr.

Llenwch y peiriant

Golchwch llwyth llawn o ddillad os yw’n bosib gwneud; rhowch dro ar olchi dillad ar 30 gradd yn hytrach na 40 gradd. Gadewch y llestri i fod: Yn lle golchi’r llestri wrth ichi fynd, gadewch y llestri brwnt tan fod gennych llwyth llawn i’w olchi. Gwnewch yn siwr bod y peiriant golchi llestri yn llawn cyn ei ddefnyddio ac, wrth olchi â llaw, llenwch y bowlen yn hytrach na gadel i’r tap rhede

Cawodydd Byrrach

Bydd treulio munud yn llai yn y gawod yn ddyddiol yn arbed £8 y flwyddyn y person oddiar eich biliau ynni. Mewn cartref pedwar person, gallai amnewid pen y gawod a gosod pen dŵr effeithlon yn ei le, arbed cymaint â gwerth £38 y flwyddyn o nwy a £53 y flwyddyn oddiar y bil dŵr (os oes mesurydd dŵr wedi’i osod). Mae hynny’n gyfanswm blynyddol o tua £91.

Ailgylchu

Yn hoffi garddio? Llenwch powlen pan yn golchi ffrwythau a llysiau, ac yna defnyddiwch y dŵr ar eich planhigion.

Mesurydd Dŵr:

Mae mesurydd dŵr yn declyn sy’n mesur yr union faint o ddŵr sy’n cael ei ddefnyddio yn eich cartref. Bydd eich cyflenwr dŵr yn defnyddio’r mesur hwnnw i gyfrif eich biliau dŵr, gan godi ond am y cyfaint o ddŵr sydd yn wirioneddol yn cael ei ddefnyddio. 

Gallai mesurydd dŵr arbed arian ichi os: 

• Yr ydych yn byw ar eich pen eich hun, neu gydag un person arall 
• Yn byw mewn cartref sydd â gwerth ardrethol uchel 
• Yn defnyddio ond ychydig iawn o ddŵr

I weld os y byddai gosod mesurydd dŵr o fudd ariannol, defnyddiwch y cyfrifydd mesurydd dŵr i wirio’n llawn neu, fel arall, gofynnwch i’ch cwmni dŵr; dyna’r ffordd orau o weld os y byddech yn arbed arian.

“Mae fy miliau wedi gostwng yn sylweddol, a dw i ddim yn gwarafun defnyddio dŵr; os oes arnaf ei angen, dw i’n ei ddefnyddio, ond dw i ond yn talu am yr hyn sy’n cael ei ddefnyddio. Mae fy miliau yn llawer is – byddwn yn sicr yn argymell gosod mesurydd dŵr”

MRs w- Cwsmer Cymru Gynnes

Sut mae mynd ati i gael mesurydd dŵr:

Os am osod mesurydd dŵch, ffoniwch un o’n Gweithwyr Cymunedol, a hyfforddwyd gan y bwrdd dŵr – byddan nhw’n gallu eich cynghori os yw mesurydd dŵr yn ddewis da i chi, yn darparu’r ffurflenni cais ac yn eich cyfeirio’n uniongyrchol at Ddŵr Cymru neu Hafren Dyfrdwy. 

Nid oes angen talu am osod mesurydd dŵr, ac mae modd ei osod yn, neu y tu allan i’ch cartref. 

Unwaith bod y mesurydd yn ei le, dylai eich cyflenwr rhoi pecyn gwybodaeth i chi yn cynnwys manylion y costau newydd, ac yn diweddaru eich cyfrif arlein. 

Unwaith bod mesurydd dŵr wedi’i osod, mae gennych gyfnod o ddwy flynedd i ofyn i’r cyflenwr ei dynnu i ffwrdd. Os byddwch yn gwneud hynny, bydd eich taliadau yn dychwelyd i fod yn dalidau nad ydynt yn cael eu mesur. Os oes mesurydd dŵr eisoes wedi’i osod yn eich eiddo cyn ichi ei brynu neu rhentu, nid oes modd cael gwared ar y mesurydd dŵr.

Gallwch dderbyn cymorth os yr ydych yn cael trafferth talu eich biliau dŵr:

Mae ystod o gefnogaeth i’w gael gan y byrddau dŵr i sicrhau eich bod yn gallu talu’ch biliau dŵr.

Rhannwch gost eich bil drwy dalu ar ffurf debyd uniongyrchol: Gall cwsmeriaid dalu mewn rhandaliadau wythnosol, misol neu 6-misol, yn hytrach na thalu’r cost llawn wrth dderbyn y bil.

Cynlluniau ar gyfer pobl sy’n derbyn budd-daliadau, neu sydd ar incwm isel: